Српската манекенка и актерка Нина Сеничар го роди своето второ дете со сопругот, актерот Џеј Елис, кој глумеше во филмот Топ Ган: Маверик.
Сеничар на својот Инстаграм објави фотографија на која заедно со сопругот и ќерката го држат за нозете новородениот син. „Леле, имаме син“, напиша убавата Србинка и откри дека момчето се родило на 11 јули.
Двојката го нарече својот син Ноа Греј Елис, а веќе ја имаат ќерката Нора Грејс Елис, која се роди во 2019 година. Двојката се венча пред две години, а пред тоа беа во врска седум години. Нивната прва средба се случила случајно во еден бар во Лос Анџелес.
“Го поканив на вечера, го однесов на вечера и платив за тоа. Имав друга идеја како ќе се развие, но не се разви така. Затоа што тој имаше сосема друга идеја во главата. Ако го прашате, ќе каже дека кога ме виде си кажа дека ќе се ожени за да биде мажот на мојот живот“, рекла таа еднаш.
Во јули 2022 година, тие се венчаа на свадба од бајките во Тоскана, а на церемонијата, која ја пренесоа светските медиуми, присуствуваа околу 190 гости. Престижниот магазин Вог ја рангираше нивната венчавка меѓу 10-те најубави за таа година. „На самиот почеток на вечерата ги замолив сите гости да се напијат по една чаша ракија. Тоа е познат српски пијалок кој е во нашата традиција стотици години“, изјави тогаш Нина за Вог.
Инаку, Нина ја започна својата кариера како водителка на италијанската телевизија, по што работеше и како модел, а во 2010 година учествуваше во реалното шоу „Островот на славните“ кое се прикажуваше во Италија. По шоуто, таа се посвети на актерството, а зад себе има неколку улоги во филмовите како „Најубавата“ и „Доунхил од Блис“.