Српската пејачка Нада Топчагиќ итно е примена во Ургентниот центар во Белград

Пејачката Нада Топчагиќ синоќа е примена во Ургентниот центар во Белград.

Како што дознава Телеграф, пејачката имала силни стомачни болки, поради што лекарите решиле да ја задржат во болница.

Во оваа прилика од Телеграф го контактирале сопругот на Нада, Златко Ѓорѓевиќ, кој не ја криел загриженоста.

– Синоќа е примена на Итна помош, не ни знаеме што се случило. Таа се пожалила на стомачни болки, поради што решиле да ја задржат во болница на детални прегледи. Ги чекаме резултатите – изјавил Златко за Телеграф.