Најпознатиот шведски производител на мебел ИКЕА на билборди ширум Србија наместо мебел, рекламира сендвичи со виршли под слоганот “Улица на гладните“, и тоа најефтините, по цена помалку од пола евро.
– Срамота е. Па никој овде не е гладен па да одиме да јадеме кај нив.. Освен тоа, какво е реномето на компанијата кога не вика на сендвичи за да дојдеме во продавница за мебел – вели Марија Илиќ.
Стручњаците сметаат дека ИКЕА е во сериозни проблеми и дека ваквата пропаганда е начин да ги врати купувачите.
(фото: Н Панчиќ)
Од компанијата се правдаат дека ваквиот начин на реклама е да им се овозмижи на купувачот комплетна услуга.
– Како составен дел на ИКЕА е и ресторан со оброци по пристапни цени кои им се нудат на посетителите. Целта на компанијата и на потрошувачите да им се обезбеди комплетна услуга, како уживање во специјалитете на ИКЕА, хот-дог сендвичите – соопштуваат од ИКЕА.