По два месеци интензивна нега поради вирусот корона во болницата “Hospital del“ во Барселона, Франциско Пако Еспана конечно дишеше свеж, морски воздух и уживаше во погледот на Медитеранот, откако лекарите го однесоа на плажа.
Неговото сеќавање во последните неколку месеци е магливо – откако се заболе со корона вирусот, поголемиот дел од времето го помина приврзан на апарати или под седативи.
-Одеднаш се разбудив опкружен со sидови, покриен со ќебиња и се прашував што барам тука – рече тој од болничкиот кревет, додека вработените го туркаа кон плажата.
Лекарите следат како кратките излети влијаат на заздравувањето на пациентите со корона вирус, кои поминале подолг период на интензивна нега, пренесува „EuroNews“.
Краткото патување дефинитивно го подобри расположението на Франсис.
-Порано се чувствував прилично лошо, ноќите беа тешки. Сега ми е дозволено да излезам надвор. Ако следно ми дозволат да пијам пиво во кафетеријата во болницата, тоа ќе ми беше доволно – рече Шпанецот.
По ова излегување, лекарите добија доказ дека пациентот е веднаш подобар.
-Зборуваме за пациенти кои подолго време не гледаат дневна светлина – одеднаш излегоа, дишеа чист воздух и ја видоа светлината. Нивното расположение многу се смени – рече медицинска сестра.
Инаку, студијата е дел од програмата за „хуманизација“ на одделението за интензивна нега, со која групата експериментираше две години пред пандемијата на корона вирусите да ја погоди Шпанија.
