Една од најдобрите глумици во српската кинаматографија,Соња Савиќ во минатото била во врска со познат рокер. Се работи за фронтменот на Електрични оргазам Срѓан Гојковиќ Гиле кој и ја посветил песната “Дебела девојка“.
-Таа никогаш не беше дебела, но секогаш се плашеше дека ќе се здебели. Во тој период стално беше во “фазон“ дека е дебела или дека ќе се здебели, што ме инспираше да ја напишам песната – се сеќава Гиле.
Песната била објавена во 1986 година во времето кога Соња Савиќ го снимала филмот “Шеќерна водица“.
-Соња беше многу интересна личност и супер глумица. Во тоа време возев мотор томос аутоматик, и додека стоев на еден од белградските семафори добив инспирација за музиката на песната.
Инаку, Соња Савиќ почина во 2008 година на 47- годишна возраст.
