Манекенката Тилан Блондо, која сите ја паметат како „најубавото девојче во светот“, му рекла „да“ на францускиот актер Бен Ател, со кого е во врска од 2022 година.
Французинката која денес има 24 години и сè уште фасцинира со својата убавина, неодамна ја објави оваа убава вест на Инстаграм, кога го покажа својот свршенички прстен со опис: „Му реков „да“ на мојот најдобар пријател. Засекогаш“.
Тој ја запросил во Грција, за време на нивното заедничко патување, а запросувањето било романтично, на зелена трева и со прекрасен поглед, со црвени ливчиња од роза кои биле расфрлани по патеката и масата на која актерот ѝ предложил брак.
Тие биле придружувани и од куче, а со оглед на тоа колку била насмеана на фотографиите се чини дека Тилан е бескрајно среќна.
Блондо во коментарите доби низа честитки од нејзините следбеници, кои ги има речиси седум милиони на Инстаграм, а позираше без шминка и нè потсети зошто некогаш важеше за „најубавото девојче на светот“.