748
Се оствари 30-годишниот сон на македонскиот народ. Со победата од 0:1 (0:0) над Грузија, македонската фудбалската репрезентација предводена од капитенот Горан Пандев се пласира на Европското првенство.
На евро-шампионатот, одложен поради коронавирусот од оваа за следната, 2021 година, македонскиот национален тим ќе игра во Ц-групата со селекциите на Холандија, Украина и Австрија.
Момент на одлука беше 56 минути. Маестрална акција која почна од Елмас, па продолжи со Пандев, Несторовски и повторно Пандев за реализација.
Победата веќе се слави низ Скопје и низ другите градови, се слушаат истрели и победнички извици.