За некои жени „касната“ бременост и мајчинството имаат импресивни придобивки, а Камерон Дијаз е идеален пример за тоа. Нејзината приказна може да го промени мислењето на жените кои се сомневаат за бременост по 40-тата година.
Во декември 2019 година, познатата актерка и нејзиниот сопруг Бенџи Маден станаа родители. Тоа стана главна вест во светските медиуми и секако, почнаа коментарите за „доцното“ мајчинство. Дијаз им даде надеж на жените кои се откажале од обидот да добијат дете заради возраста.
Иако актерката се обидува да го задржи за себе фактот како забременила, блиски пријатели на ѕвездата открија дека парот се обидувал да добие дете неколку години пред да го добијат девојчето по име Редикс.
„Поминаа толку многу за да стигнат до оваа точка“, изјавил анонимен извор за американските медиуми.
Дијаз помина повеќе од половина од својот живот под центарот на вниманието и смета дека е во ред сега „да одвои време да се реорганизира“. Таа е среќна, благословена и благодарна што влегува во нова деценија од животот со дете. Една од нејзините главни цели е да го заштити сопственото дете.
Во интервју за Џими Фалон, Дијаз призна дека времето што го поминува со својата ќерка е како да е на рајот. Таа се обидува да ужива во секој момент затоа што „носи скокови секој ден, и затоа што Радикс не е истото бебе како вчера“.
“Задоволство е да се гледа како расте, да се биде дел од тоа и да и се помогне да биде своја. Неверојатно е”, објаснила таа.
Дијаз низ смеа вели дека нејзиниот телефон повеќе не е полн со слики од нејзините кучиња (а ги има четири). Сега тие постојано слушаат бебешки песни Baby Shark и Elmo’s Song и уживаат како семејство.
Се уште постои притисок врз жените подоцна да се одлучат за мајчинство
Во интервју со Наоми Кембел, која стана мајка во мај оваа година, на 51 -годишна возраст, Дијаз рече дека сака да најде рамнотежа во животот.
„Луѓето се венчаат и младите создаваат семејство. Јас го правам тоа во втората половина од мојот живот. И конечно го сакам мојот живот затоа што е приватен. Морам да доживеам 107. Така да нема притисок”, рекла таа низ смеа.
И покрај ова, Дијаз е апсолутно сигурна дека ги поминува најсреќните моменти од својот живот. Таа посочува дека нејзините претходни искуства од патување и филмска работа не можат да се споредат со оваа нова фаза.
„Кога ќе одлучите да бидете родител на моја возраст, тоа е вистинскиот избор. Треба да работите напорно за тоа”, додала таа.
