Групата ИСИС-К го нападна аеродромот во Кабул во два бомбашки напади. Едната експлозија се случи во хотелот Барон, а другата кај Аби Гејт, еден од 5-те влезови на аеродромот.
Нападот се случи неколку часа по неколку предупредувања за опасност од терористички напад и предупредување до цивилите да не се приближуваат до аеродромот.
Областа во близина на местото на експлозијата беше преполна со семејства кои се обидуваа да избегаат од Авганистан со воени авиони, откако Талибанците ја презедоа власта пред две недели.
Авганистански преведувач, кој работел со американските сили, бил сведок на експлозиите на аеродромот.
Човекот, кого CBS News го нарекле Карл, опишал како се обидувал да спаси девојче, но тоа починало на раце.
„Видов многу повредени луѓе, видов многу луѓе како лежат на земја“, рече тој.
“Видов мало девојче и отидов кај неа, ја зедов и отидов да ја носам во болница. Ја однесов во болница, но таа ми почина на раце”, рече тој. Вели дека имала околу пет години.
“Тоа е срцепарателно. Она што се случува во моментов е срцепарателно, целата оваа земја се распаѓа”, рече тој.
„Се обидов“, продолжи преведувачот. Дадов се од себе за да и помогнам “.