Холивудската актерка Салма Хајек ги привлече погледите на овогодинешната LACMA Art + Film Gala, одржана во Лос Анџелес.
Актерката ја воодушеви публиката во прекрасна смарагдно зелена тоалета од Гучи, која обожавателите на социјалните мрежи ја нарекоа „вистинска принцеза од бајките“.
Таа им се придружи на холивудските икони, вклучувајќи ги Анџела Басет, Деми Мур, Квинта Бренсон, Дастин Хофман, Теса Томпсон, Ел Фенинг, Финеас и Деми Ловато, на гламурозниот настан.
„Прекрасна вечер на уметност и филм“
Хајек подоцна сподели серија фотографии од настанот на Инстаграм, на кои откри како се забавувала во друштво на своите соработници, колеги, пријатели и сопруг.
Средствата собрани на оваа гала вечер ќе го поддржат Музејот на уметност во округот Лос Анџелес, како и програмите посветени на филм, изложби, образование и уметнички проекти.
Коментарите под објавата на Салма беа преплавени со комплименти – обожавателите ја опишаа како „божица“, „безвременска жена“ и „дефиниција за елеганција“.
Многу коментари ги вклучуваа зборовите: „Ти си жената од моите соништа!“
Многумина истакнаа дека Хајек, дури и на 59 години, продолжува да ги поместува границите на убавината и самодовербата, потврдувајќи дека вистинскиот гламур никогаш не старее.
„Годините носат слобода, сила и нова љубов“
Порано овој месец, Хајек разговараше со списанието Marie Claire за прифаќањето на своите години и пронаоѓањето на внатрешната сила:
„Имаше време кога бев „таа секси девојка“, но фала му на Бога, годините ми ја донесоа можноста да истражувам нови страни од себе.“
Во интервју за Glamour во 2023 година, кога беше прашана дали нејзините најдобри професионални моменти ќе дојдат во педесеттите години, Салма на шега одговори:
„О, Боже, дали треба да чекам толку долго?“, подоцна додавајќи дека вредеше да се чека.
„Мислев дека стареењето значи крај на мојата кариера, но работам понапорно од кога било. Мислев дека староста значи крај на љубовта, но јас сум заљубена. Не сум изгубила никаква флексибилност или сила – напротив, пронајдов убавина во стареењето со некого“, искрено призна познатата актерка. Салма Хаек уште еднаш покажа дека вистинската убавина доаѓа од самодовербата, страста и храброста да се заблеска уште посветло со возраста.