Рускиот специјалист за инфективни болести Илја Акинфиев во интервју за телевизијата „Звезда“ објасни дека лековите за поддршка или јакнење на имунитетот се користат само за лекување на болести, а употребата на лекови за превенција на акутни респираторни вирусни инфекции, кои се продаваат во аптеките, најчесто се маркетиншки трик.
За време на самоизолација за да се одржи имунитетот, потребно е често да се проветрува собата. Акинфиев ја истакна важноста на здравиот сон за кој е потребен удобен кревет и душек, како и правилно осветлување.
Исто така важна е и правилната исхрана. Лекарот советува да се зголеми употребата на овошје и зеленчук во исхраната. Покрај тоа, треба да се биде физички активен и за време на карантин, да се избегнува долго седење на кауч или лежење на кревет.
“Тоа може да ги влоши хроничните болести и да го влоши имунитетот“, нагласува лекарот.
Инаку, психолозите мораале да се вклучат во борбата против пандемијата. Постојаниот придружник на КОВИД-19 беше апсурдна хистерија. Лажните информации се шират со брзина на молња.
„Еве препорака: обидете се, дури и присилно, да го ограничите вашиот престој на социјалните медиуми.
Ако се чувствувате премногу вознемирено, намалете го читањето на вести за коронавирусот“, објаснил социјалниот психолог Алексеј Рошин.