Епидемијата на вирусот корона во Русија може да заврши на крајот на летото, изјави вирусологот на Рускиот државен истражувачки центар за епидемиологија и микробиологија „Гамалеја“, Виктор Зујев.
-Мислам дека тоа ќе биде практично завршено до крајот на ова лето – рече Зујев за телевизијата „Russia-24“.
Директорката на Руската агенција за здравје на потрошувачи Роспотребнадзор, Ана Попова, вчера изјави дека стапката на инциденца на коронавирусот е пониска за 12% во првите 10 дена од 2021 година, но дека е сè уште рано да се зборува за какво било стабилизирање на ситуацијата, потсети ТАСС.
Во Русија досега се покажале позитивни на 3.425.269 лица за вирусот корона, а досега се опоравиле 2.800.675.
Вкупно 62.273 смртни случаи поврзани со COVID-19 се регистрирани во Русија од почетокот на епидемијата.
Руските власти поставија „жешка линија“ на Интернет за да ја информираат јавноста за епидемиолошката состојба.