Руската амбасада во Македонија, донацијата на пингвини за скопската зоолошка градина која доаѓа од Москва, ја искористи на ироничен начин да одговори на постојаните коментарите од западните амбасади, но и дел од македонската власт, дека тие го шират влијанието на Балканот.
“Русија продолжува да го шири своето влијание на Балканот. На 15 мај, 6 Хумболтови пингвини од зоолошката во Москва беа испратени во зоолошката градина во Скопје. Таму ќе се сретнат со пингвини од Италија и – се надеваме- ќе станат основа на нова популациja“, се вели во Твитер објавата од Руската амбасада во Македонија.
