Рестораните и кафулињата од четврток ќе работат до 21 часот

Угостителски објекти од 21 јануари ќе може да работат до 21 часот, наместо до 18 часот, како што беше досега, соопшти денеска министерот за здравство Венко Филипче на неговиот Фејсбук профил.

Одлуката е донесена на денешната седница на Владата, а во неговата објава се посочува дека следната недела, откако ќе се анализира епидемиолошката состојба, можно е, како што објави, дополнително олабавување на мерките, односно, работното време на угостителските објекти да биде до 23 часот.