Домот на Новак и Јелена Ѓоковиќ во следните неколку години ќе биде во Атина, каде што семејството избра вила за живеење, како и училиште за Стефан и Тара. Септември значеше ново животно поглавје за нив, а како што пишува грчкиот портал „Колоури“, тоа ќе биде напишано во луксузната вила каде што живеел Димитрис Јанакопулос.
– Блиску е до метро, релативно новоизградена, со греење на природен гас и паркинг место. Бидејќи се мачел да најде куќа, се согласил да ја плати киријата однапред – изјавил близок пријател на Новак Ѓоковиќ за гореспоменатиот портал, истакнувајќи дека Новак бил подготвен да плати дури осум кирии однапред за оваа вила.
Дека домот на Новак и Јелена Ѓоковиќ во Атина е уреден по нивен вкус, сведочат фотографиите што ги објави на мрежата Сашка Ѓоковиќ, која исто така е во Атина со сопруг и синот.
Домот на семејството Ѓоковиќ е опкружен со висока порта, со приватен двор уреден според најновата мода.
Интимноста е целосно загарантирана за семејството Ѓоковиќ, а тие дури имаат и сауна во вилата, што е идеално место за спортистите да се опорават по напорниот тренинг.
Во близина на домот има и тениски терени каде што Ѓоковиќ поминува многу време во активен тренинг, но и во играње и вежбање со своите деца.
Да ве потсетиме дека Новак и Јелена го избраа најдоброто училиште во Атина за Стефан и Тара, меѓународната образовна институција Колеџ „Сент Лоренс“, каде што децата го продолжија своето образование на англиски јазик, бидејќи училиштето го следи британскиот образовен систем.