Анџелина Џоли решила да направи мала пауза од актерството за да се фокусира на започнување нов бизнис. Имено, таа напорно работи на создавање линија на облека и накит.
Таа веќе поднела барање за заштита на брендот наречен Atelier Jolie. На овој проект работи една година и се надева дека барањето наскоро ќе биде одобрено.
„Таа е голем поборник за одржлива мода и тоа е нешто на што ќе се фокусира. Новиот бизнис е сè уште во зародиш“, изјавил извор за американските медиуми.
Неодамна во интервју за магазинот Vogue зборуваше зошто ја поддржува одржливата мода.
„Вложувам во квалитетни парчиња облека, а потоа ги носам ‘до смрт’. Немам проблем да носам чизми, капут или чанта долго време. Освен тоа, купувањето облека од втора рака е и чекор кон одржлива иднина“, рече таа.
Инаку, Анџелина неодамна беше видена на ручек со Дејвид Мајер де Ротшилд, а се шират гласини дека се во врска. Таа се разведе од Бред Пит во 2019 година, а минатото лето го обвини за семејно насилство.