Денешниот бојкот на настава поради загадениот воздух, кој го организира група граѓани преку Фејсбук, го поддржа повеќе наши јавни личности.
Меѓу нив е водителката Миа Костова, чиј син е прво одделение, музичарката и професор Андријана Јаневска, чиј постар син е второ одделение. Поддршка даде и поранешната водителка Хелена Роза која со семејството живее во Нов Зеланд, Владимир Блажев-Панчо од ДНК, татко на второоделенец. Потоа, пејачката Тамара Тодевска, без оглед што нејзината ќерка оди во градинка, пејачката Сара Мејс и нејзиниот сопруг Димитар Атанасовски кои станаа родители во септември.
Токму Тамара е една од најгласните на социјалните мрежи кога станува збор за загадувањето. Таа во неколку наврати има изјавено дека кога во Скопје е најзагадено „бега“ во Гевгелија, каде што живее семејството на нејзиниот сопруг.
„ Верувам дека на секого од нас нашето здравје, а посебно здравјето на нашите деца ни е пред се останато. Затоа како совесен граѓанин и родител на ова ТАЖНО И КОНТАМИНИРАНО Скопје, ве замолувам и повикувам што по масовно да ја бојкотираме учебната наствата во понеделник за доброто на нашите деца!!!! ЗДРАВЈЕТО ПРЕД СЕ“, стои во Фејсбук објавата на оваа иницијатива.