Една од најпопуларните поп-ѕвезди во Јужна Кореја, 25 -годишната Сули е пронајдена мртва во својот дом во близина на Сеул. Пејачката мртва ја пронашол нејзиниот менаџер.
Причината за смртта не е уште прецизно потврдена, но се шпекулира дека станува збор за самоубиство.
Оваа ѕвезда на Инстаграм ја следат скоро 6 милиони луѓе, а била членка на популарниот бенд“f(x)” се до 2015 година, кога ја напуштила оваа група за да се фокусира на актерската кариера.
Оваа дама била прилично контроверзна и позната како некој кој е без влакна на јазикот. Во повеќе наврати била критикувана во јавноста поради слободното однесување и фактот дека не носи градник, а медиумите редовно објавувале нејзини провокативни фотографии.