Празникот на вљубените секоја измината година го празнуваме се повеќе. 14-тиот ден од месецов покажуваме љубов кон саканата и саканиот. Во прилог се неколку предлози за подароци според хороскопскиот знак.
Овен
Овенот како прв знак во хороскопот сака да поседува иновативни предмети. Тоа значи дека би се импресионирал од подароци, кои никој друг ги нема или ретко кој ги има.
Изберете нешто оригинално и знајте дека претставниците на хороскопски знак Овен ќе се израдуваат. Ќе се воодушеват од подароци во црвени или светли бои. За да го импресионирате навистина, ставете негов иницијал на подарокот.
Бик
Бикот сака луксуз, но и елеганција. Практичните подароци се оние кои можат да му донесат поголема сатисфакција. Бидејќи Бикот е сензуален хороскопски знак, не заборавајте да го завршите своето изненадување со шише добро вино или шампањ и кутија бонбони. Изберете нешто во свила, квалитетна био козметика, украси од кожа или убав часовник.
Близнаци
Близнаците имаат социјални природа, па за нив соодветен подарок за Денот на вљубените би бил таблет, мобилен телефон или нешто поврзано со нивното хоби, како фотоапарат на пример. Нежните претставнички на хороскопскиот знак би се импресионирале и од убавиот накит и другите уникатни додатоци. Не заборавајте дека Близнаците се и многу љубопитни, па може да ги израдува и добра книга.
Рак
За сентименталните ракови, Денот на вљубените е навистина посебен. Како домашари би се радувале на подарок кој може да го направи нивниот дом попријатен. На мажите ракови им се допаѓаат технолошките решенија и секако убаво шише од омилениот пијалок, а дамите би се импресионирале од убав и скап накит.
Лав
За претставниците на знакот лав е важно секогаш да бидат во центарот на вниманието. Сè што ќе има шармантност и сјај им е соодветно за подарок за Денот на вљубените, како козметика, облека, убави додатоци.
Шанса за родените под овој знак да ги збогатат своите знаења во одредена област. Затоа ваучер за курс или семинар, исто така би бил соодветен подарок.
Девица
Девиците освен што се перфекционисти и супер наредени личности, тие се и колекционери. Сакаат да го развиваат своето хоби. За претстојниот празник на вљубените може да ги израдувате со музичка колекција, книги, нешто поврзано со нивното хоби.
Родените под овој знак сакаат да се грижат за себе и да внесуваат повеќе удобност во вашиот живот. Подарете им убава природна козметика, етерични масла, бања соли и сè што ќе им донесе удобност.
Вага
Ако треба да и подариш нешто на Вага, тогаш мора повеќе да внимаваш на тоа како е спакуван подарокот, отколку на самиот подарок. Елегантните Ваги секогаш очекуваат внимателно одбрани подароци, никогаш нешто секојдневно и никако нешто вообичаено.
Затоа одбери ориентален украс или “венециска” маска која ќе ја разубави собата на твојата другарка Вага, или ако твоето момчето е родено во овој знак, подари му билет за концерт на неговиот омилен изведувач или за спортски натпревар (на кој ќе одиш и ти со него).
Скорпија
Сите Скорпии сакаат тајни, мистериозни работи, па затоа на другарка ти можеш да иподариш книга за најголемите светски мистерии, а да ја спакуваш во најмалку десет кутии една во друга.
Момчето, пак, можеш да го одведеш на вечера за двајца или да му зготвиш нешто.Нормално, вечерата не мора да е во најскапиот ресторан, туку некоја пицерија или грил бар, кајшто можеш да си приуштиш да платиш.
Стрелец
Весели, дружељубиви и љубопитни, Стрелците секогаш се во движење. Затоа, добар подарок за нив се предмети кои ќе им го олеснат “живеењето” надвор, па бидејќи сигурно нема да и купиш мобилен телефон на другарка ти, можеш да и одбереш интересна футрола за мобилниот што го има или паричник со циркончиња, шалче и ракавички за овие зимски денови.
Јарец
Родените во знакот на Јарец никогаш нема да се израдуваат на откачени, духовити и несериозни подароци. Напротив, тие мора да бидат внимателно одбрани.
На девојките родени во овој знак секогаш можеш да им подариш блузичка или некој планер, зашто сакаат да ги држат работите под контрола, а за момчето Јарец одбери паричник или капче.
Водолија
Овие хороскопски знаци обожаваат се што е поврзано со иднината и новитетите.
Бидејќи на момчето не можеш да му купиш лаптоп, за него одбери некоја од најновите видео игрички, а за девојка родена во овој знак можеш да купиш некој украс за нејзината соба, интересен свеќник или пак убава шолја за кафе.
Риби
На овој воден знак ќе му се допадне секој подарок којшто е поврзан со вода, дури и да е тоа некоја мирисна купка.
Рибите сакаат креативни работи, па можеш да ги изненадиш со прибор за сликање, а нема да се разочараат ни со билети за концерт или годишна претплата за некој весник.