Помладиот брат на американскиот претседател Доналд Трамп и негов близок соработник, Роберт (71) почина ноќеска во болницата на Менхетн во Њујорк, соопшти претседателот Трамп.
“ Со болка во срцето соопштувам дека мојот прекрасен брат Роберт ноќеска мирно почина. Тој не ми беше само брат, туку и мој најдобар пријател“, напиша Трамп во соопштението.
“ Многу ќе ни недостасува, но повторно ќе се сретнеме. Сеќавањата на него ќе бидат засекогаш во моето срце. Роберт, те сакам. Почивај во мир“, наведе Трамп.
Инаку, Роберт Трамп беше бизнисмен кој се занимаваше со недвижнини и избегнуваше да се појавува во јавноста. Тој претходно работеше за неговиот постар брат како висок извршен директор во Организацијата Трамп.
Во интервјуто за Њујорк пост во 2016 година, Роберт се опиша себеси како голем поддржувач на кандидатурата на неговиот брат за Белата куќа.
„Го поддржувам Доналд илјада проценти“, рече Роберт Трамп во тоа време.
За сега не позната причината за неговата смрт.