Холивудската глумица Брук Шилдс (55) на Инстаграм објави видео кое ги загрижи нејзините следбеници, а ги има повеќе од еден милион!
Брук објави видео од болницата, во кое се обидува да оди со помош на патерици.
– Ја скршив ногата. Почнува да заздравува. Без оглед кој е вашиот предизвик, направете позитивен избор за себе, да продолжите напред, напиша таа.
На снимката се слуша физиотерапевтот како и објаснува дека прво одат патериците, потоа повредената нога, па „добрата“ нога и Брук коментира дека не започнала добро.
Инаку, Брук Шилдс се прослави како детски модел и убавица од филмот „Blue lagoon“, а потоа направи забележителна кариера главно на телевизија, каде играше во десетици серии како „Suddenly Susan”, „Lipstick jungle“ и други. Иако следбениците ја прашуваат што се случило, Брук не откри како ја скршила ногата.