Пациентот кој почина на 33 години имал прекумерна телесна тежина и тешка пневмонија

Пациентот кој на 33-gодишна возраст почина поради компликации со коронавирусот во ГОБ „8 Септември“, бил со прекумерна телесна тежина, а вирусот направил тешка пневмонија, велат од Министерството за здравство за телевизија Сител.

Toj бил хоспитализиран на почетокот на месецот, а во болница се лекувал две недели. Од самиот прием бил со ниска сатурација и цело време на неинванзивна механичка вентилација.

– Покрај сета друга терапија, пациентот примил и конвалесцентна плазма и озон, но и покрај сите напори на лекарите да му го спасат животот, тој вчеравечер починал – вели Министерството за здравсто за состојбата на 33-годишниот пациент кој е еден од починатите 29 лица во едно деноноќие.