Портпаролката на СДСМ, Богданка Кузеска која на крајот на октомври беше позитивна на коронавирусот, вчера на својот Фејсбук профил зборуваше за куќната слава Свети Никола, а низ раскажувањата за славата откри и семејна приказна.
“Вечерва моите родители ја празнуваат славата Св. Никола. Св. Никола е и наша куќна слава и ја славиме утре. Секако годинава и моите родители и ние ќе го одбележиме денот само со членовите на семејството со кои живееме. Од почетокот на пандемијата, моите родители сум ги видела само два пати, или да кажам дека дедото и бабата на моите деца, само два пати во скоро цела година си ги виделе внучињата.
Дали ни е тешко? Секако дека да, но поинаку не смее да биде.
Не смееме да го ризикуваме здравјето на другите, на најблиските, посебно повозрасните.
Славите и сите празници ќе ги прославуваме и наредните години, но годинава мора да бидеме трпеливи, пред се одговорни и совесни.
Сведоци сме дека вирусот си го наоѓа својот пат, но важно е ние сите да направиме се` што е до нас.
Да бидеме далечни денес за да бидеме блиску и да се прегрнеме утре“ напиша Кузеска на својот Фејсбук профил.