Возачите постојано се предупредуваат за можни одрони на коловозите, бидејќи опасноста е голема, а последиците може да бидат фатални.
Следното видео е снимено на југозападот на Кина, а на него се гледа еден таков инцидент, кој за среќа завршил без човечки жртви.
Го гледаме моментот кога куп камења паѓа на патот, а огромна карпа го здроби автомобилот во секунда.
Снимката покажува што останало од автомобилот и чудо е што возачот не е повреден. Тој слободно може да го прослави својот втор роденден.
Експертите посочуваат дека свлечиштата не може да се предвидат, па затоа е важно возачите да бидат внимателни и да го приспособат своето возење на условите на патот.