Шон Фицџералд, професор на Универзитетот во Кембриџ, рече дека истражувањето покажало дека доброто проветрување во затворен простор ја намалува можноста за пренесување на коронавирус за 70 до 80 проценти.
Фицџералд е член на Кралската академија за инженерство во Кембриџ и вели дека кога и да може, „проветрува или отвора прозорци што биле затворени со години“. „Ако не можам да го отворам прозорецот, излегувам од просторијата“, рекол Фицџералд, како што објави Би-Би-Си.
Тој ги поддржува препораките на бројни здравствени организации редовно да ги мијат рацете, да одржуваат социјално растојание и маски, но додава дека проветрувањето треба да биде четвртата точка од списокот на работи што мора да се направат, истакнал тој, додавајќи „нејзе воопшто не се ни спомнува“.
„Мојата загриженост е дека најстуденото време сè уште не е пристигнато, но веќе можам да видам дека луѓето ќе се забарикадираат поради студот и дека прозорците им се претежно затворени. Се плашам дека со новиот позаразен вид на Ковид-19, мора да разбереме дека мора да ги одржуваме аеросолите во воздухот на неспоредливо пониско ниво“, заклучил тој.