Модната куќа за машка облека Brooks Brothers која постои веќе 200 години, досега облекла 40 американски претседатели, а е позната како омилен бренд на банкарите и брокерите на Вол Стрит– поднесе барање за банкрот.
Приватната компанија се бореше веќе некое време, бидејќи деловната облека стана се по лежерна во последните години. А тоа, се разбира влијаеше и пандемијата на коронавирус, која ја запре побарувачката за костуми. Многу работници кои работат од дома се одлучија за поопуштен изглед и да носат маици и тренерки, наместо скроени костуми.
„Иако пандемијата сериозно ги оштети изгледите за закрепнување на бизнисот, Brooks Brothers страдаат долго време и не беа подготвени да се прилагодат на променливите трендови. Кога станува збор за вкусот и стилот, Brooks Brothers пливаше против плимата, т.е. трендовите“, рече Нил Сандерс, директор на Глобал ритејл.
Brooks Brothers вчера поднесоа банкрот. Во јуни, предупредиja дека ќе отпуштат скоро 700 работници. Компанијата евалуира различни стратешки опции, вклучително и потенцијална продажба. Продавачот на мало веќе е во процес на затворање на 20% од своите 250 продавници во САД.