Никол Кидман исклучително ретко може да се види во костим за капење. Таа со децении е на светската сцена, па иако речиси сите ѕвезди не им бегаат на папараците на плажа, таа успеала да го направи тоа, а вчера била фотографирана на плажа во Сиднеј каде се појавила во костим за капење кој не е прв избор за многу туристи – или можеби треба да биде.
Никол Кидман уживала на плажа со својот сопруг Кит Урбан, нивната помала ќерка Фејт Маргарет (парот ја има и ќерката Сандеј Роуз), нејзината сестра Антонија Кидман и нејзината внука Лусија Харли, новинарка.
Холивудската ѕвезда за која се вели дека многу ослабела, па дури и „премногу“, во живо ја покажала својата линија, а некои слики од плажа наликуваат на сцени од филм. Никол Кидман (57) носела едноделен костим за капење со долги ракави, кој е одлична заштита од ултравиолетовото сончево зрачење.
Не се гледа често кај познатите личности, но всушност е многу паметно решение. Никол е позната по својот исклучително светол тен и коса, а како таква спаѓа во групата на луѓе кои се најчувствителни на сонце, а со тоа и со поголем ризик од рак на кожата. Актерката се заштитила со очила за сонце и капа, а препораките на експертите дефинитивно не ги игнорира, додека многумина ги игнорираат тие совети.
Во едноделен костим за капење со долги ракави таа се појавила и во Сиднеј во јануари годинава, па јасно е дека тоа е навика, а не исклучок.
Нејзиниот сопруг пак бил во разголено изание, но брзо се облекол откако завршил со пливањето. Сликите ни покажуваат и како денес изгледа сестрата на познатата актерка. Големо внимание привлекла и внуката на Никол Кидман, која плени со убавина и е исклучително витка, што е вообичаено за жените во семејството на холивудската ѕвезда.
