Никола Јокиќ, шампионот на најсилното кошаркарско натпреварување во светот, се наоѓа во Сомбор каде одмара пред почетокот на новата сезона.
Пред два дена на Јокиќ му се придружи Арон Гордон, соиграч од Денвер Нагетс, а двајцата од редовите на најдобриот НБА тим во првата прилика што се укажа го посетија хиподромот во Сомбор.
А таму Јокиќ и Гордон се сретнаа со поранешниот соиграч на Јокиќ од Мега, Марко Кешељ, кој беше во друштво на министерот за млади и спорт, Зоран Гајиќ.
Интересно е што Јокиќ бил облечен во неформалната комбинација на облека, па разговорот со министерот го водел во маица, шорц и влечки.
