Шекил О’Нил со светот ги сподели своите воспитувачки методи. Вели дека ги тера своите деца да напишат „деловен план“ кога бараат пари од него, пишува „Independent“.
Поранешната НБА ѕвезда има 6 деца. Со поранешната сопруга Шауни има 5 деца – Мајлс (26), Шариф (23), Амира (21), Шакир (20) и Меара (17), додека со поранешната девојка Арнета Јардбург ја има ќерката Тахира (27).
Тој вели дека и покрај тоа колку пари има заработено во кариерата, нема да им ги дава на своите деца да ги трошат.
„Нема да им дадам пари само за да се забавуваат“, вели Шек. Имено, кога децата бараат пари, мора да напишат „бизнис план“ за да објаснат за што им требаат парите.
„Бидејќи сакате јас да бидам банка, ќе го правам истото што би ви го правела и банка“, порачал кошаркарот. Мајлс сакал да стане диџеј, а О’Нил му набавил опрема за тоа. Но, за сè останато е заслужен самиот Мајлс и Шекил изјавил дека е горд на него.
„Од сите мои деца, тие се најпаметни и веројатно еден ден ќе водат компанија“, додал кошаркарот.
„Ние не сме богати. Јас сум богат“
„Затоа се обидувам сите да ги подмитам со зборовите: ‘Еј, ти само оди на правен факултет наместо мене и ќе ти дадам што сакаш’“, продолжил тој. О’Нил уште претходно зборувал дека не им дава лесно пари на децата.
„Тие знаат дека имаат многу пари на кои можат да се потпрат, но јас им велам дека тоа нема да биде толку лесно. За да го добиете тоа, мора да ми покажете две дипломи. Така ги мотивирам“, објаснил тој.
„Моите деца се сега постари. Малку се лути на мене, не се вознемирени, но не разбираат. Постојано им велам – ние не сме богати, јас сум богат“, изјави Шекил пред 2 години.