Медицинскиот техничар Мохамад Џамал Дин, споделил емотивна фотографија од прегратка со сопругата која е медицинска сестра. Двајцата носат заштитни маски, ракавици, одела и очила.
„Маж и жена. Двајцата медицински техничари анестезиолози во Ковид-19 тимот. Овие медицински техничари анестезиолози се грижат за најкритичните пациенти на светот во овој момент. Ова е најблиску што можат да се доближат еден на друг, пред да им започне смената и после тоа не им е дозволен никаков контакт. Многу здравствени работници ширум светот спијат во гаражи, автомобили… Многумина од нив се одлучуваат нивните сакани да бидат далеку од нив засега, како што направив и јас. Се жртвуваме толку многу за вие да бидете сигурни, затоа ве молиме да останете дома“, напишал под фотографијата.
„Ви благодариме на несебичната поддршка. Вие сте вистински херои“, „Ви благодариме од срце“, „Навистина моќна фотографија“, се само некои од коментарите под фотографијата.