23-годишниот студент Џонатан Мок од Сингапур, кој живее во Лондон, на Фејсбук опиша како преживеал расистички напад во градот. Тој известил дека бил нападнат на 24 февруари од група луѓе на улицата Оксфорд во срцето на Лондон. Нападот, како што вели, се случил околу 21:15 часот.
„Еден од мажите што ме нападна ми рече:
„ Не го сакам твојот коронавирус во мојата земја. Потоа ме удри во глава и целиот бев покриен со крв, кој ми течеше од носот “, рече Мок.
Тој тврди дека лекарите му рекле дека има неколку фрактури на лицето и дека најверојатно треба да се оперира. Лондонската полиција потврди дека нападот се случил и дека во тек е истрага. Како што вели полицијата, се истражува расно мотивиран напад.
Мок тврди дека бил малтретиран со недели само затоа што е од Азија.
Инаку, неговиот случај не е единствен. Си-Ен-Ен објави дека од избувнувањето на епидемијата на коронавирус, во Велика Британија се пријавени голем број на напади врз лица со потекло од Кина и други делови на Азија.
