Турскиот актер Бурак Озчивит, најпознат по улогата на Бали-бег во серијата за Сулејман Величествениот, стравува за неговиот едногодишен син Каран, јавуваат турските медиуми.
Тој имал проблеми со криминалци поради луксузната вила која ја капарисал во близина на Истанбул. Покрај актерот, за вилата бил заинтересиран и еден човек од криминалното подземје, а бидејќи Бурак бил првиот кој дал капар имал предност при купувањето на имотот вреден околу 2,5 милиони евра.
-Проблемот настана кога Бурак дозна дека уште некој е заинтересиран за тој имот и цената не му е важна. Бидејќи тој даде капар, вториот купувач остана без куќа. Набрзо се дозна дека другиот заинтересиран е припадник на криминалното подземје и не му се допаѓаше што остана без вилата која по секоја цена сакаше да ја има, вели изворот.
Тој, наводно, не обрнувал внимание сè додека не започнале да му стигнуваат закани дека ќе биде киднапиран неговиот едногодишен син. Актерот контактирал со полицијата и ангажирал приватни телохранители, јавуваат медиумите.
