Американецот Шејн Буркау (26) кој од својата втора година боледува од спинална мускулна атрофија, од пред три години преку интернет ја запознал Хана (25), со која и денеска е во врска. Уште на стартот на врската се соочиле со чудни погледи, па дури критики за несекојдневната врска.
Шејн за британската “ИТВ“ рекој дека сите мислеле дека Хана му е негователка.
– Една жена дури дојде до мене, ме допра со раката и рече “ Господе, подари му на овој човек среќен живот“ а јас веќе го имам.
Хана вели дека еднаш на еден пикник и пришол човек чии деца си играле со балони од сапуница.
– Дојде до мене и ме праша дали Шејна сака да си игра. Тој само му рече, “ не, фала“. Луѓето мислат дека Шејн за ништо не е спосебен, – се жали Хана.
Со цел да ги растурат социјалните митови, парот на Јутуб го лансираше каналот “Squimmy & Grubs“. Имаат 145.000 следбеници на кои одговараат на прашањата за нивната врска.
Хана вели дека многумина и рекле дека е доволно атрактивна да може да најде некој друг “способен дечко“.
– Тоа Шејн многу го нервира. Луѓето со посебни потреби не се ништо помалку луѓе од останатите, – порачува Хана.