Најголема закана за Македонија е Бугарија, одговориле 23 проценти од македонските граѓани опфатени со анкетата на Меѓународниот републикански институт (ИРИ), спроведена во февруари и во март годинава со интервјуирање лице в лице на 7.138 возрасни испитаници во шесте земји на Западен Балкан.
На второ место е Русија со 12 отсто, на трето Косово со 10 отсто, на четврто Албанија со 9 отсто и на петто САД со 8 отсто.
Од друга страна, за 34 отсто анкетирани од ИРИ во Македонија најважен сојузник е Србија, пред САД, за кои се определиле 17 отсто, трета е Турција со 12 отсто, а по нив Русија со 8 отсто и Албанија со 5 отсто.
