ЈП ПОЦ и Општина Центар ја поставија првата еколошка новогодишна елка направена од пластични шишиња рециклирани од страна на жителите, кои повеќе од една година учествуваат во правилното справување со отпадот преку рециклирање пластични шишиња и лименки.
-Центарци со ваша помош ја поставивме првата еко-новогодишна елка во Дебар Маало. Новогодишната елка висока 5 метри е изработена од повеќе од 500 зелени пластични шишиња рециклирани од страна на жителите на Општина Центар кои повеќе од една година учествуваат во правилното справување со отпадот преку рециклирање на пластични шишиња и лименки.Поставувањето на оваа елка е впечатлив начин да се истакне како пластиката може да се рециклира и да се искористи повторно – информираа од ЈП Паркинзи на Општина Центар.