Голем грбав кит го проголта Американецот Мајкл Пакард, ловец на јастог, близу Кејп Код за да го плукне по неколку секунди, пренесува Би-Би-Си.
Пакард рече дека нуркал во близина на градот Провинстаун во државата Масачусетс кога завршил во џиновскиот уста на кит каде поминал околу 40 секунди. Китот го исплукал, а Пакард поминал само со истегнато колено. 56-годишниот Пакард рече дека сметал дека бил нападнат од голема бела ајкула, позната во оваа област, а потоа сфатил дека нема заби.
– Одеднаш ми падна на ум дека сум во устата на кит и дека се обидува да ме проголта. Мислев дека е ова сигурна смрт и се збогував со сопругата и моите два сина – рече Пакард.
Тој рече дека одеднаш китот испливал над водата, го исфрлил од устата и почнал да ја тресе главата.
– Одеднаш се најдов во воздухот, како на врвот на фонтаната, и паднав во водата, бев слободен и се чувствував како да лебдам. Не можев да поверувам – рече Пакард.
И покрај постојаните апели на неговата сопруга да најде друга работа, тој нема намера да ја заврши својата 40-годишна кариера како нуркач на Кејп Код.
Comments are closed.