Македонскиот фудбалер Давид Бабунски кој настапува во јапонскиот вторигаш Омија го очекува своето второ дете.
Тој преку фотографија на Инстаграм откри дека неговата сопруга Катарина е бремена. Двојката веќе има син, кој се роди лани во мај.
Инаки, Давид е син на поранешниот фудбалер Бобан Бабунски. Тој претходно настапуваше за „Црвена ѕвезда“ и за вториот тим на „Барселона“. За македонската репрезентација има одиграно осум меча. Неговиот помал брат Дориан исто така настапува во Јапонија.