Овој Фејсбук статус предизвика лавина од реакции и коментари, но и многу поддржувачи, кои велат дека не се ниту СДСМ, ниту ВМРО, а сепак ја поддржуваат девојката.
“Нашата драга соседна Р. Бугарија, не само што не ставила на “црна листа” за влез во нивната држава, туку како што велат од Македонската амбасада, “не ги ни известила за таа одлука.” хахахаха!!!
Во четврток (04.06), после упорно вртење на бројот на МК амбасада во Берлин (повеќе од 10 неодговорени повици), добив информација дека можам да транзитирам преку Р. Бугарија, во Р. Македонија, без никаква друга процедура или дозвола, само со негативен ПСР тест.
Петок (05.06) слетувам во Софија и при првиот поглед на тој црвен МК пасош (кој не го ни отворија) ме тргнаа на страна и со придружба на полиција, како најголемиот криминалец, ме однесоа во една соба, со други Македонци и други патници кои исто транзитираат од Софија кон други земји.
Им го покажувам негативниот ПСР тест и мојата дозвола за престој во Германија (сина карта), но одговорот беше дека нив тоа не ги интересира, јас сум сепак МК државјанин!
Сите бевме вчудоневидени и на прашањето “ЗОШТО”, единствен одговор беше: “Министерот донесе одлука, дека МК државјани не смее да влегуваат на цела територија на Р. Бугарија. Ниту за транзит. Ниту со виза од друга Европска држава!”
Следно беше да чекаме одлука што ќе прават со овие таму од Северна!
Ноќта беше долга, помината на аеродром во соба полна со патнции од цел свет, од кои барем еден да е инфициран, сите сме ризични.
Броејќи саати, минути, денес сабалје со првиот лет се вратив за Германија.
При приложување на сите документи и на негативниот тест, за неколку минути влегов во Германија, како секој нормален човек на оваа планета!!!! Како секој човек што заслужува да биде третиран, без разлика на државјанство!!!
После 10 месеци во “туѓина”, ова требаше да биде среќниот ден кога се враќам дома и после долго време ќе ги си видам најблиските пријатели и фамилијата.
Но сепак НЕ, САМО затоа што сум Македонка!
Место горд патриот, само гнев и ревлот за тоа да се биде Македонец.
Секоја носталгија ми се заменува со чувството на слобода и сигурност, систем и влада составена од лидери кои се грижат за своите граѓани, дури и ако се со различно држвјанство.
Во “туѓина”, странец, имигрант, а сепак се чувствуваш како ДОМА!
Со други зборови, до кај стигнавме и Бугарите да си играат со нас?!
Едни Бугари бе еј!
Ние не сме само срам дома, ние сме срам во Европа, ние сме срам во светот!
Мавнете ми се сите, и Венко и Мицко и Зајко, пропаднати сте сите заедно, како што ја пропаднавте и пропаѓате таа прекрасна грутка земја! ЧАО!
