Виролози од водечки шведски универзитети заклучија дека новата варијанта на коронавирусот не може да се искорени и дека ќе се врати како сезонски вирус, со апел до луѓето „да научат да живеат со него“.
Од светла страна, иако имунитетот е краткорочен, најверојатно вирусот ќе изгуби дел од својата моќ со текот на времето, објави „Спутник“.
Виролозите Ленарт Свенсон од Универзитетот во Линкопинг, Аке Лундквист од Универзитетот во Упсала и Андерс Видел од Универзитетот во Лунд заклучија дека дури и стапката на вакцинација од над 90 проценти не ја спречува целосно инфекцијата со Ковид 19, како што покажуваат примери околу светот.
„Се укажува на тоа дека Сарс-Ков-2 ќе остане и ќе се врати како сезонски вирус. Ќе биде многу тешко, па дури и невозможно да се постигне колективен имунитет“, соопштија тие во напис за весникот „Dagens niheter“.
Професорите наведуваат дека одамна се познати четири типа на коронавирус, кои можат да ги заразат луѓето и да се вратат во текот на зимската сезона, предизвикувајќи блага настинка.
Покрај тоа, од 2003 година, човештвото е погодено од епидемии на два сосема нови коронавируси кои можат да предизвикаат многу сериозни инфекции: Сарс-Ков-1 (со стапка на смртност од околу 10 проценти) и Мерс-Ков (со стапка на смртност од околу 34 проценти).