Ким Кардашијан и Луис Хамилтон очигледно не ја кријат својата блискост – The Sun објави видео на кое се гледа како разменуваат бакнежи и нежности за време на романтичен излет на плажа во Малибу.
Риалити ѕвездата и успешниот возач на Формула 1 се видени како уживаат во денот и заеднички часови по сурфање, при што постојано се насмеани, се прегрнуваат, разменуваат нежности и не се одвојуваат еден од друг ниту додека се на плажата, ниту во водата.
Ким го привлече вниманието со впечатлив изглед во тесен нуркачки костим и бикини, додека Хамилтон е лежерен во шорцеви и маица.
Нивната врска, која наводно станала официјална кон крајот на минатата година, последниве месеци сè почесто е во фокусот на јавноста. Само неодамна, Кардашијан отпатува илјадници километри за да помине кратко време со Хамилтон во Лондон, што дополнително ги засили шпекулациите дека станува збор за сериозна романса.
Двојката веќе беше забележана заедно на неколку локации низ светот – од САД до Европа, па дури и во Јапонија, каде што Хамилтон учествуваше на трка. Според извори блиски до нив, и покрај полните распореди, тие вложуваат напор да се гледаат што е можно почесто.
Во меѓувреме, нивната приказна буди огромен интерес кај фановите, кои внимателно го следат секој нивни заеднички чекор – особено кога е проследен со вакви романтични сцени.
