796
Поранешната специјалната обвинителка, Катица Јанева, искористи празничен викенд за Велигденските празници. Таа излегла од затворот Идризово во кој ја издржува затворската казна, а „Телма“ ја „улови“ како пазарува во еден скопски маркет.
Од Управата за извршување санкции велат дека ја добила оваа погодност на 23-ти април, а вчера имала обврска да се врати во Идризово.
Ваквата мерка ѝ следува по закон кој дозволува отпуст на затвореници по одлежана 1/3 од затворската казна, која за Јанева беше досудена на 7 години.
Таа е осудена за случајот „Рекет“ заедно со Бојан Јовановски кој е осуден на 9 години затвор и Зоран Милевски – Кичеец кој призна вина и доби 3 години.
Катица Јанева првпат искористи ваква мерка за новогодишните празници, а до сега добила уште еден излез на 7 часа во февруари оваа година.
Фото: Телма