Патничка на Spirit Airlines на летот од Форт Лодердејл до Нешвил во САД бил уапсен при слетување на авионот поради недолично однесување.
Средовечната жена се качила во авионот „расположена“ и немала поим дека нејзината смеа и шеги во авионот ќе се претворат во агресија.
Сепак, сè се променило кога авионот бил во воздухот. Прво почнала да ја довикува стјуардесата, а потоа кога еден од нив и рекол да се смири, таа тргнала во целосна офанзива, до физичка пресметка.
Таа скокнала врз една од стјуардесите и ѝ удрила шлаканица, по што сакала да се пресмета и со нејзината колешка.
Двајца патници кои седеле покрај агресивната жена не дозволиле да дојде до тепачката, па ја фатиле патничката за раце и ја држеле додека не била „неутрализирана“, односно додека членовите на екипажот не ја преместиле во посебен дел од авионот.
– Не толерираме никакви испади или агресивно однесување во авионот. Овој патник никогаш повеќе нема да може да лета со нашата авиокомпанија , јасна била Никол Агијар, портпаролка на Spirit Airlines по инцидентот.