Таткото и мајката на 45 дена старото бебе кое починало во Италија вчера се уапсени и се во притвор откако истрагата открила постојано злоставување на девојчето.
Таткото Емануел Савино (26) наводно толку силно ја удрил малата Аурора по главата што ѝ ги скршил коските. После тоа, нејзините родители не ја однеле во болница, туку ја оставиле да умре од кардиореспираторна инсуфициенција.
Тој и мајката на Аурора, Ана Гамела (19) се обвинети за убиство на нивната ќерка во нивната куќа во Санта Марија а Вико, во областа Казерта.
Родителите тврделе дека нивната ќерка починала во сон, но истрагата открила друга реалност.
Девојчето починало на 2 септември минатата година. Рекле дека на девојчето ѝ се слошило по капење. Но, на нејзиното тело биле констатирани изгореници, набиеници и расекотини, што укажувало дека се работи за насилство.
Откако ја претепале, ја оставиле сама да умре – ја однеле во болница кога било предоцна.
Истрагата открила континуирано малтретирање на девојчето и дека малата Аурора во кратките 45 дена од нејзиниот живот никогаш не била видена од педијатар, објавија италијанските медиуми.