Претседателот на иранскиот парламент, Багер Галибаф, тврди дека војската на неговата земја е способна да таргетира „која било локација“ што ќе ја избере, објави CNN.
Притоа, Галибаф ги отфрли тврдењата на американскиот претседател Доналд Трамп дека капацитетите на Иран за ракетно лансирање се речиси уништени.
Во објава на социјалните медиуми, Галибаф рече дека претходните ирански лансирања на ракети имале за цел да „ги заслепат непријателските радари и одбранбени системи“.
Резултатот, рече тој, е дека Иран сега може „да таргетира која било локација што ќе ја избере – со помалку ракети“.
