Клинт Иствуд е еден од највпечатливите актери во Холивуд. Не само што глуми во филмови од 1955. година, туку и понатаму ја воодушевува публиката, дури и на 92-годишна возраст. Земајќи го сето ова предвид, луѓето често се прашуваат – како успева да остане здрав и енергичен толку долго?
Иствуд отсекогаш знаел многу за одржување на формата. Дигал тегови уште на 19-годишна возраст, а неколку децении подоцна одржувал редовна рутина за вежбање и многу се фокусирал на исхраната и на она што го јаде на дневна основа. Иако добрите прехранбени навики му помогнале да го одржи здравјето до 90-тите, ова се прилично рестриктивни правила и секако не се за секого.
Се фокусира на контролирање на телесните масти
„Телесните масти на Иствуд се помалку од 10. проценти“, вели др. Хари Демопулос, доктор на Иствуд. Самиот Иствуд го коментирал ова, велејќи: „Никогаш не сум имал високо ниво на телесни масти, но отсекогаш сум бил прилично уреден кога станува збор за исхраната“.
Др. Демопулос понатаму објаснил: „Иствуд одржува диета со малку маснотии и богата со протеини. Тој, исто така, посветува големо внимание на нивото на холестерол (неговиот татко, човек кој обожавал месо и компири, починал на рана возраст од кардиоваскуларни болести).
Избегнува шеќер и алкохол
Според Health Fitness Revolution, Иствуд избегнува додаден шеќер секогаш кога може, а тоа најверојатно му помогнало да го одржи таквото добро здравје дури и во 90-тите. „Избегнувајте јаглехидрати, особено богатите десерти. Чувајте ја вагата во бањата. Одморете се доволно. Обидете се да бидете оптимисти. Јадете овошје и суров зеленчук. Земајте витамини. Прескокнете пијалоци полни со шеќер. Избегнувајте премногу алкохол“, вели Иствуд.
Не јаде од задоволство
Иако ова е радикално правило кое експертите нема да го препорачаат, Клинт Иствуд не јаде од задоволство, како што потврдил неговиот син Скот Иствуд во едно интервју.
„Татко ми не јаде од задоволство“, изјави Скот за Men’s Health. „Тој јаде лосос и кафеав ориз за појадок. Претпоставувам дека сум сличен на него во тој поглед. Кога би можел да земам апче што ми ги дава сите хранливи материи што ми се потребни, би се откажал од храната”.
Иако овој принцип функционира за семејството Иствуд, експертите не би го препорачале. Уживањето во храната е здраво и многу од најдолговечните луѓе во светот својот долг и среќен живот го припишуваат токму на таквиот пристап.
