Поранешниот италијански одбојкарски репрезентативец Роберто Кацанига (42) со години мислел дека е во врска со бразилската манекенка Алесандра Амбросио (40), која моментално е во врска со Ричард Лијем.
Поточно, тој верувал во ова во последните 13 години.
За сето тоа да биде уште поневеројатно, тие никогаш не се запознале, а на неа потрошил дури 700.000 евра. Подоцна се покажало дека позади Алесандра всушност стои 50-годишна Маја, пренесува „Мирор“.
Според зборовите на Роберто, негов пријател му дал број кој наводно ѝ припаѓал на жената која сакала да го запознае. Потоа му признала дека името било псевдоним и дека таа всушност не е Алесандра.
„Не, никогаш не се видовме. Секогаш имаше илјадници изговори, како болест или работа. Но, јас сепак се заљубив во тој глас, и така повик по повик… Контактиравме преку мобилен телефон, речиси секојдневно“, рекол Роберто.
Рекол и дека парите ги позајмувал од роднини, семејство, пријатели. Потоа открил дека позади измамата стоеле три лица, а неговите соиграчи го опишале како интровертен и наивен и дека всушност тие се посомневале во измамата и го пријавиле случајот во полиција, а повторно била спроведена истрага.