Рано утринава изгореа четири автомобили во Скопје, меѓу кои и возилото на екс-градоначалникот на Скопје – Петре Шилегов. Засега се утврдуваат причините поради кои избувнал пожарот во кој целосно изгореа „аудито“ регистрирано на правно лице, кое го паркирала сопругата на Шилегов, како и автомобилот кој бил паркиран непосредно до него.
„На 09.03.2022 во 03,20 часот било пријавено дека на ул. „Петре Пирузе“ во Скопје настанал пожар во патничко моторно возило „ауди“ со скопски регистарски ознаки, сопственост на правно лице, а паркирано од Ј.Ш.. Од пожарот зафатени биле и патнички моторни возила „пасат“, „матиз“ и „нисан“ со скопски регистарски ознаки, сите сопственост на Д.М. (53). Се врши увид и се работи на расчистување на случајот“ – соопштија од МВР.