Италијанската филмска дива Моника Белучи уште еднаш покажа зошто со децении важи за една од најелегантните жени во светот. На филмскиот фестивал „Nouvelles Vagues“ во францускиот Бијариц, 61-годишната актерка ги воодушеви присутните со модно издание какво ретко избира – целосен тексас стајлинг.
Како амбасадор на модната куќа Fendi, Белучи се појави во комбинација од најновата есен-зима колекција. Нејзиниот монохроматски тексас изглед уште еднаш потврди дека и наједноставните парчиња можат да изгледаат исклучително софистицирано кога се носат со стил.
Комплетот се состоеше од структурирана тексас јакна која визуелно ја истакнува половината и класични панталони со прав крој. Темносината нијанса на тексасот му даде дополнителна елеганција на стајлингот, а кројот совршено ја нагласи препознатливата женствена силуета на актерката.
Иако тексасот најчесто се поврзува со лежерни комбинации, Белучи покажа дека може да биде и вистински симбол на луксуз и префинетост.
За дополнителен гламур, таа избра дискретен накит од Cartier, додека изгледот го надополни со големи црни очила за сонце со мачкаст облик, природно пуштена коса и минималистичка шминка, останувајќи верна на својот препознатлив италијански стил.
Белучи престојуваше во Бијариц по повод претставувањето на филмот посветен на легендарната оперска дива Марија Калас, а нејзиното појавување веднаш привлече внимание кај модните критичари и љубителите на модата.
И овој пат, Моника Белучи докажа дека вистинската елеганција не зависи од трендовите, туку од самодовербата, стилот и безвременскиот вкус.