Едногодишно девојче не можеле да го разбудат во белградска градинка

Вистинска драма се случувала вчера во една од белградските градинки. Едногодишно девојче било ставено на попладневно спиење, но васпитачките и мајката на девојчето не успеале да го разбудат. Веднаш стигнала брзата помош, а докторот констатирал запирање на работа на срцето и на дишењето.
Оживувањето на девојчето започнало прво во амбуланта , па во болница, каде докторите успеале да ја активираат работата на срцето. Девојчето е приклучено на апарат за вештачко дишење, а докторите се борат за нејзиниот живот.
“ Девојчето кое беше во период на адаптација во градинката, денеска прв пат беше оставено на спиење во присуство на мајка и. Детето заспа во 10.45 часот, а мајка и и васпитачките почнале да ја будат во 12, кога приметиле дека не диши“ стои во соопштението на градинката.