Откако со своите коментари од Келн, од завршницата на Лигата на шампионите во ракомет, станаа главни фаци во државава, на коментаторите Стеван Стевановиќ и Сретен Рашковиќ од “Арена спорт“ телевизија се следи секој нивен чекор, односно, секоја нивната објава на социјалните мрежи.
Особено на Фејсбук е активен Стеван, кој покрај фотките од дочекот на вардарци во Скопје, става и приватни фотки со неговата сопруга Вања.
Според последната објава, денеска е посебен ден за српскиот коментатор, бидејќи ја прославува првата годишнина од бракот со жена му Вања.
“16 јуни секогаш ќе биде значаен во нашите животи. Жено, нека ни е среќна првата годишнина од бракот“, напиша Стеван и постираше галеријата од црно-бели слики од венчавката.